एजेन्सी । विश्व नम्बर दुई डोमिनिक थिएम यूएस ओपन टेनिसको सेमिफाइनलमा प्रवेश गरेका छन् ।
अमेरिकाको न्युयोर्कमा बिहीबार बिहान भएको क्वाटरफाइनलमा अष्ट्रेलियाका एलेक्स डी मिनाउरलाई पराजित गर्दै थिएम अन्तिम चारमा पुगेका हुन् ।
अन्तिम चारमा पुग्ने क्रममा अष्ट्रियन थिएमले एलेक्समाथि ६-१, ६-२ र ६-४ को सेटमा पराजित गरे ।
यससँगै थिएम यूएस ओपनको सेमिफाइनलमा पुग्ने अष्ट्रियाका पहिलो खेलाडी बनेका छन् ।
अब थिएमले सेमिफाइनलमा रुसका डानिल मेडभेडेभसँग खेल्ने छन् ।
तेस्रो वरीयताका मेडभेडेभले आफ्नै देशका आन्द्रे रुबलेभलाई ७-६ (८/६), ६-३ र ७-६ (७/५) ले पराजित गरे ।
पुरुषतर्फको अर्को सेमिफाइनलमा जर्मनीका एलेक्डेन्जर जेभेरेभ र स्पेनका पाब्लो कारेनो बुस्टाबीच खेल हुनेछ ।
महिलातर्फको सेमिफाइनलमा नाओमी ओसाका र जेनिफर ब्राडी तथा सेरेना विलियम्स र भिक्टोरिया अजारेन्काबीच खेल हुनेछ ।
-1732413260.jpg)
