दक्षिण एसियाली फुटबलको सर्वोच्च प्रतियोगिता साफ च्याम्पियनसिपको १२ औ संस्करण आगामी मंगलबारबाट बंगलादेशमा सुरु हुदैछ । सात राष्ट्रले प्रतिस्पर्धा गर्ने साफ च्याम्पियनसिप नेपालले अहिलेसम्म जित्न सकेको छैन ।
सधैको दाबेदार नेपालले अहिलेसम्म प्रतियोगिताको फाईनल यात्रा समेत तय गर्न सकेको छैन । दक्षिण एसियाली राष्ट्रको ‘विश्वकप’ मानिने साफमा यसपटक समेत नेपालले सहभागिता जनाउदैछ । नेपाली टिमको कप्तानी विराज महर्जनले गर्नेछन् ।
उनै कप्तान महर्जनसंग नेपाली टिमको तयारी, लक्ष्य, उपाधि यात्राको सम्भावनाका बिषयमा खेलपाटीकर्मी रमेश सुबेदीले गरेको कुराकानी गरेका छन् ।
तयारी कस्तो रहेको छ ?
तयारी रामो छ । विगत ३ महिनायता निरन्तर अभ्यास गरिरहेका छौ । भर्खरै एशियम गेम्स खेलेर आएका छौ । राम्रो प्रर्दशन ग¥यौ भन्ने लाग्छ । जापानसंग कम अन्तरको हारको नतिजा निकाल्यौ ।
भियतनाम र पाकिस्तानसंग समेत राम्रै खेल्यो । खेल हारेपनि हामीले सबै खेलमा राम्रो प्रर्दशन गरेका थियौ । नेपाली टिममा पुराना तथा नयाँ खेलाडीको समिश्रण छ । त्यही अनुसारको तयारी अघि बढिरहेको छ ।
नेपाली टिमको यसपटक साफको लक्ष्य भनेको के हो ?
हाम्रो मुख्य लक्ष्य फाईनल खेल्नु हो । तर हामी एक एक पाईला गरेर अघि बढ्न पर्छ । हाम्रो पहिलो लक्ष्य समुह चरण पार गर्नु हो । बंगलादेश, पाकिस्तान र भुटानलाई जितेर समुह विजेता बन्नु हो । त्यसपछि सेमिफाईनल र फाईनल सोचेका छौ ।
तुलनात्मक रुपमा हामी सहज समुहमा छौ । हाम्रो समुहमा भारत र माल्दिभ्स छैन । यस पटक हामीलाई राम्रो अवसर छ । मैले बुझेसम्म यो अन्तिम साफ हो । हामीले साग जित्यो, सोलिडारिटी जित्यौ ।
तर साफ च्याम्पियनसिप जित्न सकेका छैनौ । साफ जित्नु हाम्रोलागि विश्वकप जित्नु बराबर हो । त्यसैले हाम्रो लक्ष्य फाईनल खेल्नु हो ।
प्रतियोगिता जित्न खेलाडीमाथि कत्तिको दबाब छ ?
पक्कै हार्नकालागि खेल्ने होईन । जित्नैकालागि जाने हो । सबै टिम पुर्ण तयारीकासाथ आएका हुन्छन् । प्राय सबै टिमले अन्तराष्ट्रिय मैत्रिपुर्ण म्याच खेलेका छन् । श्रलिंकाले भर्खरै बंगलादेशसंग खेल्यो, १–० ले विजयी समेत बन्यो ।
त्यसैले प्रतिद्न्दीकालागि कमजोर सोच्न भएन । सबै टिम राम्रा छन् । त्यसैले अरुलाई कमजोर सोच्नु भन्दापनि हाम्रो बलियो बन्नेतर्फ लाग्न पर्छ ।
कप्तानको रुपमा साफ खेल्न जादाँ कस्तो महशुश भईरहेको छ ?
सामान्य खेलाडी र कप्तान भएर साफ खेल्न जानुमा धेरे फरक छन् । जो मैले भोगेको छु । त्यसलाई मनन गरेको छु । त्यसैले खेलमात्र नभएर सबैकुरा सन्तुलनमा राखेर नेतृत्व गर्नुपर्ने चुनौती छ । यसमा आफैले बुझ्नपर्ने धेरै छ ।
साफबाट सबै भन्दा धेरै क्यापको खेलाडी बन्न जादै हुनुहुन्छ । कसरी लिनुभएको छ ?
मेरोलागि ठुलो सौभाग्य हो । भगवानको आर्शिवाद, आमा बुवाको आशिृवाद र सम्पुर्ण फुटबल प्रसंशक र समर्थकको आर्शिवादले यो सम्भव भएको हो । एक प्रकारको गर्वको महशुश भईरहेको छ । देशकालागि धेरै खेल खेल्न पाउनु, इतिहास लेख्न पाउनु, एउटा खेलाडीकालागि ठुलो उपलब्धि हो । मेरालागि ठुलो सौभाग्य हो भन्ने लाग्छ ।
![](/uploads/shares/biraj maharjan photo.jpg)
दक्षिण एसियाली फुटबलमा नेपालको राष्ट्रिय फुटबल टिमको स्तर कस्तो हो भन्ने मुल्याङ्कन गर्नुभएको छ ?
दक्षिण एसियामा नेपाल बलियो टिम हो । अहिलेसम्म हामीले सबै टिमलाई जितिसकेका छौ । तर फाईनल जित्न सकेका छौनौ । त्यसैले हामीलाई आफुलाई प्रमाणित गर्नुपर्ने चुनौती छ । नेपाली सधै दाबेदार टिम हो । नतिजाको हिसावमा हामी अझै बढी राम्रो गर्न सक्छौ ।
लिग नभएको करिब ४ बर्ष बित्यो । घरेलु फुटबलको बिकराल अवस्थाले साफमा कस्तो असर गर्ला ?
एकदमै असर पारेको छ । लिग भनेको देशको फुटबलको मेरुदण्ड हो । यसले खेलाडी उत्पादन हुने हो । लिगले फुटबलको कमिकमजोरी र बलियो पक्ष पत्ता लगाउन सकिन्छ । सामान्य खेलाडीकालागि खेल देखाउने ठुलो अवसर हो । त्यही अवसरमा खेलाडीको क्षमता देख्न सकिन्छ । व्यक्ति नभएर क्लब बलियोस्थितीमा पुग्छ । खेलाडी उत्पादनमा सहयोग गर्ने भएकाले लिग महत्वपुर्ण छ ।
नेपालले साफ जित्न सकेको छैन । यसपटक उपाधि जित्छ भन्ने आधार के ?
हाम्रो मुख्य आधार सामुहिक खेल भावना हो । ‘टिमवर्क हो’ । टिम स्पिड गेम हो । हामीले अझै आधुनिक टेनिङ पाएका छैनौ । नयाँ कुरामा अभ्यस्त हुन पाएका छैनौ । त्यसैले हाम्रो टिमको राम्रो पक्ष टिम स्प्रिड हो । हाम्रो युनिटी एकदमै बलियो छ । यसैलाई हेरेर अगाडी बढेका छौ । त्यसैलाई अझ सुधार गर्दै लागेका छौ ।