विश्व नम्बर एक बार्टीले फ्रेन्च ओपन नखेल्ने

एजेन्सी । विश्व नम्बर एक महिला टेनिस खेलाडी अस्लेइग बार्टीले फ्रेन्च ओपन टेनिस नखेल्ने भएकी छिन् ।

कोरोना भाईरसको महामारीको कारण बार्टीले पेरिसमा हुने फ्रेन्च ओपन नखेल्ने भएकी हुन् ।

साविकको विजेता समेत रहेकी बार्टीले फ्रेन्च ओपनबाट आफ्नो नाम फिर्ता लिएकी छिन् ।

अष्ट्रेलियाकी २४ वर्षिया बार्टीले सामाजिक संजालबाट आफुले फ्रेन्च ओपन नखेल्ने निर्णय गरेको बताएकी छिन् ।

इन्स्टाग्राममा बार्टीले कोरोनाको महामारीलाई मध्ये नजर गर्दै यस वर्ष युरोप भ्रमण नगर्ने बताएकी छिन् ।

बार्टीले अमेरिकामा जारी यूएस ओपन समेत खेलेकी थिइनन् ।

क्ले कोर्टमा खेलिने ग्राण्डस्लाम फ्रेन्च ओपन सेप्टेम्बर २७ बाट सुरु हुनेछ ।

फ्रेन्च ओपन दर्शकसहित हुने सम्भावना रहेको छ ।

फ्रेन्च टेनिस फेडरेसनले सिमित दर्शकलाई खेल हेर्न अनुमति दिने तयारी गरेको छ ।