एजेन्सी । अमेरिकी खेलाडी सेरेना विलियम्स यूएस ओपन टेनिसको अन्तिम आठमा प्रवेश गरेकी छिन् ।
न्युयोर्कमा सोमबार राति ग्रिसकी मारिया साक्कारीलाई हराएर सेरेना अन्तिम आठमा पुगेकी हुन् ।
६ पटकको च्याम्पियन सेरेनाले मारियामाथि ६-३, ६-७(६-८) र ६-३ को सेटमा जित निकालेकी थिइन् ।
३८ वर्षीय सेरेनाले क्वाटरफाइनलमा बुल्गेरियाकी पिरोनकोभासँग खेल्ने छिन् ।
पहिलो पटक यूएस ओपनको क्वाटरफाइनलमा पुगेकी पिरोनकोभाले फ्रान्सकी एलिजे कोर्नेटलाई ६-४,६-७(५-७) र ६-३ ले हराएकी थिइन् ।
यस्तै जापानकी नाओमी ओसाकाले अनेट कोन्टाभेटलाई ६-३ र ६-२ ले पराजित गर्दै क्वाटरफाइनलमा स्थान बनाएकी छिन् ।
क्वाटरफाइनलमा ओसाकाले अमेरिकी खेलाडी सेल्बी रोजर्ससँग खेल्ने छिन् ।
-1732413260.jpg)
