एजेन्सी । विश्व नम्बर एक नोभाक जोकोभिच युएस ओपन टेनिसको तेस्रो चरणमा प्रवेश गरेका छन् ।
न्युयोर्कमा भएको दोस्रो चरणमा बेलायती खेलाडी केली एडमण्डलाई पराजित गर्दै जोकोभिच तेस्रो चरणमा पुगेका हुन् ।
सर्बियन जोकोभिचले एडमण्डविरुद्ध ६-३,६-४ र ६-२ को सेटमा जित निकाले ।
अब जोकोभिचले तेस्रो चरणमा जर्मनीका जान लिनार्ड स्ट्रुफविरुद्ध खेल्ने छन् ।
महिलातर्फ चौंथो वरियताकी नाओमी ओसाकासहित छैटौं वरीयताकी पेट्रा केभिटोभा, आठौं वरीयताकी पेट्रा मार्टिकले तेस्रो चरणमा स्थान बनाएकी छिन् ।
तर, महिलातर्फ तेस्रो वरीयताकी कारोलिना प्लिस्कोभा दोस्रो चरणमा पराजित भएकी छिन् ।
