एजेन्सी । विश्व नम्बर एक नोभाक जोकोभिच युएस ओपन टेनिसको दोस्रो चरणमा प्रवेश गरेका छन् ।
न्युयोर्कमा भएको पहिलो खेलमा बोस्नियाका दामिर जुमहुरलाई पराजित गर्दै जोकोभिचले सुखद सुरुवात गरेका हुन् ।
सर्बियन जोकोभिचले दामिरविरुद्ध ६-१,६-४ र ६-१ को सेटमा पराजित गरे ।
अब जोकोभिचले दोस्रो चरणमा बेलायती खेलाडी केली एडमण्डविरुद्ध खेल्ने छन् ।
महिलातर्फ चौंथो वरियताकी नाओमी ओसाकाले दोस्रो चरणमा स्थान बनाएकी छिन् ।
जापानी ओसाकाले पहिलो खेलमा आफ्नै देशकी मिसाकी डोईलाई पराजित गरिन् ।
ओसाकाले मिसाकीलाई ६-२, ५-७ र ६-२ को सेटमा पराजित गरिन् ।
दोस्रो चरणमा ओसाकाले इटालीका क्यामिला जियोर्जीसँग खेल्ने छिन् ।
-1732413260.jpg)
