एजेन्सी । सन् २०२३ को फिफा महिला विश्वकप फुटबल अष्ट्रेलिया र न्युजिल्याण्डमा संयुक्तरुपमा आयोजना हुने भएको छ ।
विश्वकप आयोजकका लागि बुधबार भएको मतदानबाट विश्वकप आयोजनाको जिम्मेवारी अष्ट्रेलिया र न्युजिल्याण्डले पाएको हो ।
मतदानमा कोलम्बियालाई पछि पार्दै अष्ट्रेलिया र न्युजिल्याण्डले विश्वकप आयोजनाको जिम्मेवारी पाएको हो ।
फिफाले सार्वजनिक गरेको मत अनुसार अष्ट्रेलिया र न्युजिल्याण्डको २२ भोट खसेको छ । कोलम्बियामा मात्र १३ भोट खसेको बताईएको छ ।
अष्ट्रेलिया र न्युजिल्याण्डले आयोजनाको जिम्मेवारी पाएसँगै पहिलो पटक दुई फरक कन्फेडेरेसनमा (एसियन र ओसियाना) विश्वकप आयोजना हुने भएको छ ।
यस विश्वकपमा ३२ टिमले प्रतिस्पर्धा गर्ने छन् ।
![Image](https://pbs.twimg.com/media/EbXuWV6WsAEGQyC?format=jpg&name=small)