काठमाडौं । इन्डोनेसियामा जारी १८ औं संस्करणको एसियन गेम्समा सहभागी हुन स्केटबोर्ड खेलाडी नेरिश थापाको विदाई गरिएको छ ।
नेरिशलाई नेपाल स्केटिङ तथा स्केट बोर्डिङ संघले शनिबार विदाई गरेको छ । नेरिशलाई संघका अध्यक्ष अच्युत खनाल र गृहमन्त्री राम बहादुर थापा 'बादल' ले जितको शुभकामना सहित विदाई गरे ।
नेरिश आजै बेलुका त्यसतर्फ प्रस्थान गर्नेछन् । आगामी मंगलबारबाट सुरु हुने स्केटबोर्डमा नेरिशले फ्रिस्टाइलमा प्रतिस्पर्धा गर्ने छन् । स्केटबोर्डमा पालेङवाङमा हुनेछ ।
नेरिशलाई विदाई गर्दै गृहमन्त्री थापाले नेपालको लागि यो खेल नयाँ रहेको तर नेपालले पदक प्राप्त गर्न नसकिरहेको अवस्थामा स्केटबोर्डबाट पदक जितेर देशको नाम राख्न शुभकामना दिए ।
