इजिप्टका टेनिस खेलाडीलाई आजीवन प्रतिबन्ध

एजेन्सी । इजिप्टमा टेनिस खेलाडी युसेफ होसामलाई टेनिसमा आजीवन प्रतिबन्ध लागेको छ ।

थुप्रै खेलमा म्याच फिक्सिङ गरेको पाईएपछि टेनिस इन्टिग्रिटी युनिटले होसामलाई आजीवन प्रतिबन्ध लगाएको हो ।

२१ वर्षीय टेनिस खेलाडी होसामले सन् २०१५ देखि १९ सम्म एन्टी करप्सनको २१ नियम उलंघन गरेको युनिटले जनाएको छ ।

उनलाई गतव वर्षको मे महिनाबाट निलम्बन गरिएको थियो ।

विश्व वरीयतामा ८२० औं स्थानमा रहेका उनको सर्वाधिक उत्कृष्ट वरीयता २ सय ९१ रहेको छ ।

यस अघि सन् २०१८ मा उनका दाजु करिम होसामलाई पनि आजीवन प्रतिबन्ध लगाईएको थियो ।