मुर्रेलाई मड्रिड ओपनको उपाधि

एजेन्सी । बेलायती टेनिस स्टार एन्डी मुर्रेले अनलाईन गेम मड्रिड ओपन टेनिसको उपाधि जितेका छन् ।

प्ले स्टेसनको सहयताले खेलिएको मड्रिड ओपनको फाइनलमा मुर्रेले डेभिड गोफिनलाई पराजित गरे । उनले गोफिनमाथि ७-६ (५) को जित निकाले ।

कोरोना भाईरसको महामारीको कारण मड्रिड ओपन टेनिस स्थगित भएपछि अनलाईनको सहायताबाट प्रतियोगिता आयोजना गरिएको थियो ।

उपाधिसँगै मुर्रेले १ लाख ५० हजार युरो प्राप्त गरेका छन् । तर, उनले उपाधि रकम कोरोना प्रभावितका लागि सहयोग गर्ने बताए ।

उनले उपाधिको आधा रकम ४५ हजार डलर नेसनल हेल्थ सर्भिस (एनएचएस) लाई सहयोग गर्ने बताए । यस्तै बाँकी रकम भने टेनिस खेलाडीको राहत कोषलाई दिने बताए ।

कोरोनाको कारण विश्व खेलकुद ठप्प रहेको छ । विश्वका ठुला टेनिस प्रतियोगिता समेत स्थगित भएको छ ।