रोजर्स कप टेनिस एक वर्ष सर्यो

एजेन्सी । रोजर्स कप महिला टेनिस प्रतियोगिता एक वर्ष पछि सरेको छ ।

आगामी अगष्ट तय प्रतियोगिता कोरोना भाईरसको कारण स्थगित गरिएको हो ।

क्यानडाको मोन्टरियलमा हुने प्रतियोगिता अगस्ट ७ देखि १६ सम्म हुने बताईएको थियो । तर, कोरोनाको महामारी बढेपछि अब प्रतियोगिता २०२१ मा मात्र हुने भएको छ ।

जुलाईमा तय भएको पुरुषको प्रतियोगिता यस अघि नै स्थगित भईसकेको छ ।

कोरोनाको कारण क्यानडामा ६ सय बढीको मृत्यु भईसकेको छ । यस्तै २३ हजार बढीमा संक्रमण देखिएको छ ।