विश्व युद्धपछि पहिलो पटक विम्बल्डन टेनिस रद्द

एजेन्सी । टेनिसको विश्व प्रसिद्द प्रतियोगिता विम्बल्डन टेनिस रद्द भएको छ ।

विश्वमा फैलिएको कोरोना भाईरसको महामारीको कारण विम्बल्डन रद्द भएको हो ।

इंग्ल्यान्डमा आयोजना हुने प्रतियोगिता जुन २९ देखि जुलाई १२ सम्म हुने तालिका रहेको थियो ।

विम्बल्डन टेनिस दोस्रो विश्व युद्धपछि पहिलो पटक रद्द भएको हो ।

कोरोना भाईरसका कारण बेलायतमा १ हजार ७ सय ८९ जनाको ज्यान गईसकेको छ । करिब २५ हजार भाईरसबाट संक्रमित छन् ।

प्रकोपकै कारण फ्रेन्च ओपन सेप्टेम्बरका लागि सञ्चालन गर्ने गरि नयाँ तालिका बनाईएको छ ।

चीनबाट फैलिएको कोरोनाको कारण विश्वको ठुला प्रतियोगिताहरु स्थगित भईसकेको छ ।

यस वर्ष तय भएको युरोकप फुटबल र ओलम्पिक खेलकुद अर्को वर्षको लागि स्थगित गरिएको छ ।