प्रिन्स जर्मन सिरिजको अन्तिम १६ मा

काठमाडौं । नेपाली ब्याडमिन्टनका युवा स्टार प्रिन्स दाहालले जर्मनीमा जारी योनेक्स जर्मन जुनियर इन्टरनेसनल सिरिजको अन्तिम १६ मा स्थान बनाएका छन् ।

प्रिन्सले बिहिबार यू-१९ एकलमा जर्मनीका कियन यु वेईलाई २-१ काे सेटमा हराएर अन्तिम १६ को यात्रा तय गरेका हुन् । प्रिन्सले घरेलु खेलाडीविरुद्ध ११-२१, २१-१७ र २१-५ को सेटमा जित निकाले ।

प्रिन्स दुई जुनियर इन्टरनेसनल ब्याडमिन्टन सिरिजका लागि युरोपमा रहेका छन् ।

प्रिन्सले यस अघि नेदरल्यान्ड्सको डच जुनियर इन्टरनेसनल सिरिज खेलेका थिए ।