नेदरल्याण्डमा प्रिन्सको सुखद सुरुवात

काठमाडौं । नेपाली ब्याडमिन्टनका युवा स्टार प्रिन्स दाहालले नेदरल्यान्ड्समा जारी डच जुनियर इन्टरनेसनल सिरिजमा विजयी सुरुवात गरेका छन् ।

बिहिबार भएको पहिलो खेलमा रुसी खेलाडी अर्टुर पेचेनकिनलाई हराउँदै प्रिन्सले प्रतियोगितामा सुखद सुरुवात गरेका हुन् ।

प्रिन्सले रुसी खेलाडीविरुद्ध २१-१४ र २१-१३ को जित निकाले ।

प्रिन्स दुई जुनियर इन्टरनेसनल ब्याडमिन्टन सिरिजका लागि युरोपमा रहेका छन् ।

प्रिन्सले नेदरल्यान्ड्सको डच जुनियर इन्टरनेसनल सिरिजपछि जर्मनीको जर्मन जुनियर इन्टरनेसनल सिरिज खेल्ने छन् ।

जर्मनीको सिरिज मार्च ४ देखि ८ मार्चसम्म हुनेछ ।