काठमाडौं । ब्याडमिन्टन खेलाडी प्रिन्स दाहालले युरोपको दुई जुनियर इन्टरनेसनल ब्याडमिन्टन सिरिज खेल्ने भएका छन् ।
नेपाली ब्याडमिन्टनका यूवा स्टार प्रिन्सले नेदरल्यान्ड्सको डच जुनियर इन्टरनेसनल र जर्मनीको जर्मन जुनियर इन्टरनेसनल सिरिज खेल्ने भएका हुन् ।
विश्व ब्याडमिन्टन महासंघ (बिडब्लुएफ) को जुनियर वरियतामा ११ औं स्थानमा रहेका प्रिन्सले सुरुवातमा नेदरल्यान्ड्सको सिरिज खेल्नेछन् । डच सिरिज फेब्रुवरी २६ देखि १ मार्चसम्म हुनेछ ।
डच सिरिजपछि प्रिन्स जर्मन जाने छन्। जर्मनीको सिरिज मार्च ४ देखि ८ मार्चसम्म हुनेछ ।
दुई सिरिजका लागि प्रिन्स मंगलबार त्यसतर्फ प्रस्थान गरेका छन् । प्रिन्सको प्रशिक्षक कमलेस निरौला रहेका छन् ।
