काठमाडौं । रन क्लब नेपालको आयोजनामा दोश्रो मदन भण्डारी स्मृती ठमेल रोड रेश च्याम्पियनसिप फागुनमा हुने भएको छ ।
नेपाल भ्रमण वर्ष २०२० लाई मध्य नजर राख्दै आयोजना गर्न लागिएको रोड रेस फागुन २४ गते शनिबार हुने भएको छ ।
प्रतियोगितामा स्वदेशी तथा विदेशी गरि ३ हजार खेलाडीहरुको सहभागिता रहने अनुमान गरिएको आयोजक क्लबका अध्यक्ष सन्तोष श्रेष्ठले जानकारी गराए ।
नेपालका लागि पहिलो अन्तराष्ट्रिय पदक दिलाउन सफल म्याराथन धावक ओलम्पियन जित बहादुर के.सी. र दक्षिण एशियाली खेलकुदमा म्याराथनमा ह्याट्रिक सहित किर्तिमान राख्न सफल ओलम्पियन बैकुण्ठ मानन्धरको समेत सहभागिता रहने रोड रेसमा महिला÷पुरुष ५ कि.मि., छात्र÷छात्रा ५ कि.मि., महिला तथा पुरुष भेट्रान्स ५ मि.मि. र महिला तथा पुरुष कर्पोरेट ५ कि.मि. दौड समावेश गरिएको छ ।
राष्ट्रिय खेलकुद परिषद्, नेपाल एथलेटिक्स संघ र काठमाण्डौ जिल्ला खेलकुद बिकास समितिको मान्यता रहेको रोड रेसमा विजयी खेलाडीहरुको लागि आकर्षक पुरस्कार रासीको ब्यवस्था गरिने आयोजक क्लबका अध्यक्ष श्रेष्ठले बताए । रेसमा नेपाल एथलेटिक्स संघको प्राविधिक सहयोग हुने आयोजकले जनाएको छ ।
टेबल टेनिस प्रशिक्षण केन्द्र अगाडीको खेल मैदानबाट सुरु हुने रेस बिहान ७ बजे सुरु हुनेछ ।
