अष्ट्रेलियन ओपनमा फेडेररको शतक जित

एजेन्सी । स्विस स्टार रोजर फेडेरर अष्ट्रेलियन ओपनको चौंथो चरणमा प्रवेश गरेका छन् ।

शुक्रबार भएको खेलमा अष्ट्रेलियाका जोन मिलम्यानलाई हराएर फेडेरर चौंथो चरणमा पुगेका हुन् ।

अष्ट्रेलियन ओपनमा ६ पटकको च्याम्पियन फेडेररले मिलम्यानलाई ४-६,७-६ (७-२),६-४, ४-६ र ७-६(१०-८) को सेटमा पराजित गरे ।

निकै प्रतिस्पर्धात्मक खेलमा फेडेररले जित निकाल्न ४ घण्टा ३ मिनेटको समय निकाले ।

यो जितसँगै ३८ वर्षे फेडेररले अष्ट्रेलियन ओपनमा १०० औं जित निकाले ।

अब फेडेररले हंगेरीका मार्टोन फुच्सोभिससँग खेल्ने छन् ।