काठमाडौं । चौंथो संस्करणको झिल्टुङ क्रस कन्ट्री दौड माघ अन्तिम साता नुवाकोटमा आयोजना हुने भएको छ ।
आयोजक बेलकोटगढी वडा नम्बर पाँचले आइतबार पत्रकार सम्मेलन गर्दै चौंथो संस्करणको प्रतियोगितामा माघ २५ गते कोल्पुटारमा आयोजना हुने जनाएको छ ।
नेपाल एथलेटिक्स एसोसियसनको प्राविधिक सहयोगमा हुने क्रस कन्ट्री दौड १३ दशमलब ४ किमिको हुनेछ । जसमा ४.५ किमी उकालो, २ किमी समथर र बाँकी ओरालो रहने छ । यस्तै छात्रा र छत्रलाई मध्ये नजर राख्दै ४.५ किमिको
खुल्ला दौड समेत हुनेछ ।
प्रतियोगिताको क्रस कन्ट्री दौडको पुरुष र महिलातर्फको विजेताले १५ हजार, दोस्रोले १० र तेस्रो हुनले ५ हजार पाउने छन् । दौडमा अघिल्लो विजेताको दौड समयको रेकर्ड भङ्ग गर्नेलाई थप पाँच हजार उपलब्ध गराइने छ ।
छात्रा र छात्रतर्फ विजेताले ५ हजार, दोस्रोले ३ हजार र तेस्रोले २ हजार पाउने छन् ।
क्रस कन्ट्री रेस कोल्पुटारबाट सुरु भै बेलिनी खड्गछाप, माझी गाउ, लामाटार हुँदै पुन:कोल्पुटार आएर सकिने छ ।
गत संस्करणको उपाधि पुरुषतर्फ १३ औं सागका स्वर्ण विजेता किरण बोगटी र महिलातर्फ पुष्पा भण्डारीले जितेकी थिए ।
