काठमाडौं । टाइम्स क्लबले लि–निङ्ग थ्री बाई थ्री बास्केटबल अन्तर्गत बुटवल लेगको उपाधि जितेको छ ।
शनिबार सम्पन्न प्रतियोगिताको फाइनलमा टाइम्सले न्यु होराइजन क्लबलाई १४–११ ले हरायो । फाइनल प्रवेश गरेका दुवै टोलीले अब धनगढीमा हुने थ्री बाई थ्री वेष्टको उपाधिको लागि खेल्नेछन् ।
थ्री बाई थ्री वेष्टको पोखरा लेगको उपाधि भने कास्की बास्केटबल संघले जितेको थियो ।
पोखराबाट कास्की र रामघाट धनगढीमा हुने फाइनलका लागि प्रवेश गरेका थिए ।
धनगढी लेग माघ ६ गते हुनेछ । वेष्टको फाइनल ८ र ९ गते हुनेछ ।
तीनवटै शहरबाट फाइनल पुग्ने टोली उपाधिका लागि भिड्नेछन् ।
फाइनलका बिजेता र उपबिजेताले क्रमशः ५० हजार र २५ हजार रुपैयाँ पुरस्कार प्राप्त गर्नेछन् ।
पोखरा लेगमा १२ र बुटवल लेगमा १० टिमको सहभागिता रहेको छ । सहभागी टिमलाई डबल एलिमिनेसन फम्र्याटमा खेलाइएको थियो ।
नेपाल बास्केटबल लिग प्राइभेट लिमिटेडले यसअघि थ्री बाई थ्री इस्टको पनि आयोजना गरेको थियो । एनबीएलले थ्री बाई थ्री सेन्ट्रलको पनि आयोजना गर्नेछ ।
