तीन वर्षपछि सेरेनालाई उपाधि

एजेन्सी । अमेरिकी टेनिस खेलाडी सेरेना विलियम्सले अकल्याण्ड क्लासिक टेनिसको उपाधि जितेकी छिन् ।

आइतबार भएको फाइनलमा जेसिका पेगुलालाई ६-३ र ६-४ ले हराउदै सेरेनाले उपाधि जितेकी हुन् ।

यससँगै पूर्व विश्व नम्बर एक सेरेना तीन वर्षपछि पहिलो उपाधि जित्न सफल भईन् । सेरेनाले पछिल्लो पटक सन् २०१७ मा अष्ट्रेलियन ओपन जितेकी थिइन् ।

छोरीलाई जन्म दिएपछि २३ पटकको ग्राण्डस्लाम विजेता सेरेनाको यो पहिलो उपाधि पनि हो ।