काठमाडौं । विभागीय टिम एपीएफ क्लबकी भलिबल खेलाडी निरुता ठगुन्नाले उपाधि हात पार्दा धेरै खुसी लागेको बताएकी छिन् ।
पहिलो पटक एपीएफको जर्सीमा न्यु डायमण्ड कप राष्ट्रिय महिला भलिबल खेलेकी निरुताले टिमको उपाधि यात्रामा सहयोग गर्न पाउँदा खुसी लागेको बताईन् ।
राष्ट्रिय महिला भलिबल टिमकी सदस्य समेत रहेकी निरुता हालै विभागीय टिम एपीएफमा आबद्ध भएकी हुन् । आर्मीबाट खेल्दै आएकी निरुता सशत्र प्रहरीको जागिरे भएसँगै एपीएफमा आबद्ध भएकी हुन् ।
लोक सेवा आयोगले सिपाही पदका लागि लिएको खुल्ला परिक्षामा पास हुँदै निरुता सशत्र प्रहरीको जागिरे भएकी हुन् ।
उनले अब एपीएफबाटै भलिबल करियर अघि बढाउने छिन् ।
‘एपीएफ धेरै राम्रो टिम हो । सधै उपाधि जित्छ । एपीएफमा आबद्ध हुदाँ धेरै खुसी छु ।’ न्यु डायमण्ड कपको उपाधि जिते लगत्तै निरुताले भनिन् ।
‘पहिलो पटक एपीएफको सेटमा परे । धेरै खुसी लागेको छ । पहिलो पटक एपीएफबाट उपाधि जित्दा धेरै खुसी छु ।’ उनले थपिन्, ‘उपाधि हात पार्दा धेरै खुसी लाग्ने रहेछ । प्रतियोगितामा मैले सतप्रतिसत दिए भन्ने लागेको छ ।’
उनले अगामी दिन क्लबबाट अझ राम्रो प्रर्दशन गर्ने बताईन् ।
विभागीय टिम आर्मीबाट बिदा भएपछि निरुता राष्ट्रिय टिमबाट एभीसी सेन्ट्रल जोन र १३ औ साग खेलेकी थिईन् । लगत्तै उनी विभागीय टिम एपीएफबाट आबद्ध भएकी हुन् ।
