धनगढी । पहिलो सुदूरपश्चिम स्पोर्टस अवार्डलाई धनगढीको हसनपुरमा रहेको निसर्ग हस्पिटल एण्ड रिसर्च सेन्टरले प्रायोजन गरेको छ ।
नेपाल खेलकद पत्रकार मञ्च कैलालीले आयोजना गर्ने स्पोर्टस अवार्डको वर्ष महिला खेलाडी विधालाई निसर्ग अस्पतालले प्रायोजन गरेको हो ।
पुस १५ गते आयोजना हुने स्पोर्टस अवार्डमा दिईने ६ वटा विधा मध्येको वर्ष महिला खेलाडी विधाको नाम निसर्ग हस्पिटल वर्ष महिला खेलाडी हुने भएको छ ।
विधा प्रायोजन सम्बन्धी सम्झौता पत्रमा निसर्ग हस्पिटल एण्ड रिसर्च सेन्टर प्रालिका प्रवन्ध निर्देशक कुवेर शाही र नेपाल खेलकुद पत्रकार मञ्च कैलालीका महासचिव तथा अवार्ड कार्यक्रमका संयोजक प्रदीप पाठकले हस्ताक्षर गरे ।
अवार्ड विभिन्न ६ विधामा दिईनेछ । बर्ष पुरुष खेलाडी, बर्ष महिला खेलाडी, बर्ष युवा खेलाडी, बर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ । चार वटा विधामा तीन÷तीन जनाको मनोनयन सार्वजनिक गरिनेछ भने स्पेशल अवार्ड र लाईफ टाईम एचिभमेन्ट अवार्डको घोषणा कार्यक्रम आयोजना हुने दिनमा नै गरिनेछ ।
