काठमाडौं । १३ औं दक्षिण एसियाली खेलकुद (साग) अन्तर्गत महिला बास्केटबलमा नेपाल स्वर्ण नजिक पुगेको छ ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबार माल्दिभ्सलाई हराउँदै नेपाल फाइनलमा पुगेको हो ।
यस सँगै नेपाल पहिलो पटक बास्केटबलको फाइनलमा प्रवेश गरेको छ ।
फाइनल पुग्ने क्रममा नेपालले माल्दिभ्सलाई ६८-५५ ले पराजित गर्यो । नेपालको जितमा अनुषा मल्लले सर्वाधिक १८ स्कोर गरिन् ।
अब नेपालले स्वर्णका लागि भारतसँग खेल्नेछ ।
भारतले भुटानलाई हराएर नेपालसँगको भेट पक्का गरेको हो ।
पुरुषतर्फ भने नेपाल सेमिफाइनलमा भारतसँग पराजित भयो । नेपाल भारतसँग १०७-५८ ले पराजित भएको थियो ।
