महिला ह्यान्डबलमा नेपाललाई ऐतिहासिक रजत

मनोज थापा

पोखरा । नेपालले १३ औं दक्षिण एसियाली खेलकुद (साग) अन्तर्गत महिला ह्यान्डबलमा रजत पदक जितेको छ ।

पोखरा रंगशालाको बहुउद्देश्यीय कभर्ड हलमा आइतबार भएको फाइनलमा भारतसँग ३५-२१ गोल अन्तरले पराजित हुँदै नेपालले रजत जितेको हो ।

सागको महिला ह्यान्डबलमा नेपालको यो ऐतिहासिक रजत हो । यस अघि नेपालले ह्यान्डबलमा रजत जित्न सकेको थिएन ।

पुरुषतर्फको स्वर्ण भने पाकिस्तानले जितेको छ । पाकिस्तानले भारतलाई ३०-२९ ले हराएको थियो । पुरुषतर्फ श्रीलंकाले कास्य जितेको छ ।

नेपालको लागि बन्दना राईले सर्वाधिक ६ गोलको योगदान दिइन् । कबिता राईले आफ्नो नाममा टोलीका लागि ५ गोल जोडिन् ।

निशा राई र उमा राईले समान ३÷३ गोल थपे । रञ्जना राईले २ गोलको योगदान दिइन् । कबिता राई र र शान्तिकला राईले समान १÷१ गोल थपे ।