ह्यान्डबल : नेपालको विजयी सुरुवात

मनोज थापा

पोखरा । १३ औं दक्षिण एसियाली खेलकुद अन्तर्गत महिला ह्यान्डबलमा नेपालले विजयी सुरुवात गरेको छ ।

पोखरामा बुधबार श्रीलंकालाई २९-१९ ले हराउँदै नेपालले शानदार सुरुवात गरेको हो ।

नेपालको लागि उमा राईले ८ र कविता राईले ६ गोल गरिन् । यस्तै निशा राई र कल्पना ओलीले समान ४/४ गोल गर्दा दुर्गा बोहरा र रन्जना राईले २/२ गोल गरिन् ।

यस्तै शान्तिकला राई र शान्ति कुमारी चौधरीले १/१ गोल गरिन् ।

पुरुषतर्फ नेपालले बुधबार श्रीलंकासँग नै खेल्नेछ  ।