एथ्लेटिक्समा नेपालका दिपकलाई कास्य

काठमाडौं । १३ औं दक्षिण एसियाली खेलकुद (साग) अन्तर्गत एथ्लेटिक्सको पुरुष १० हजार मिटरमा नेपालका दिपक अधिकारीले कास्य पदक जितेका छन् ।

त्रिपुरेश्वरस्थित दशरथ रंगशालामा भएको १० हजार मिटरमा दिपकले ३० मिनेट ५०.०६ सेकेण्डको समय निकाल्दै कास्य जिते । महिलातर्फ यस स्पर्धामा नेपालकी सन्तोषी श्रेष्ठले स्वर्ण जितेकी थिइन् ।

यस स्पर्धामा भारतका सुरेश कुमारले २९ मिनेट ३३.६१ सेकेण्डको समयसहित स्वर्ण जिते ।

श्रीलंकाका सान मुगेशस्वरनले ३० मिनेट ४९.२० सेकेण्डको समयसहित रजत जिते ।