काठमाडौं । १३ औं दक्षिण एसियाली खेलकुद अन्तर्गत उसुको प्रतिस्पर्धामा विवाद भएको छ ।
लगनखेलस्थित आर्मीको कभर्डहलमा ताइजिजान थाउलोतर्फको खेलमा श्रीलंकाले स्वर्ण जितेपछि विवाद सिर्जना भएको छ ।
नेपाल र भारतले खेलमा धादली भएको भन्दै निर्णयमा आपत्ति जनाएका थिए । र, खेलाडी र अफिसियलले म्याटमा धर्ना दिएका थिए । जसको कारण खेल ३० मिनेट बढी रोकिएको थियो ।
अहिले खेल सुरु भएको छ । नेपाल र भारतले लिखित अपिल गरेको छ ।
नेपालका खेलाडी हरि प्रसाद गोलेले म्याटमै बसेर धर्ना दिएका थिए । दर्शकले पनि म्याटमा पानीका बोतल फ्यालेका छन् ।
यस स्पर्धामा श्रीलंकाका थारिदुले स्वर्ण जितेका छन् । भारतका ग्यादेश सिंहले रजत र नेपालका हरिले कास्य जितेका छन् ।
