एथ्लेटिक्समा नेपालका टंकलाई कास्य

काठमाडौं । १३ औं दक्षिण एसियाली खेलकुद (साग) अन्तर्गत एथ्लेटिक्सको १५ सय मिटर दौडको पुरुष नेपालले कास्य जितेको छ ।

त्रिपुरेश्वरस्थित दशरथ रंगशालामा मंगलबार नेपालका टंक कार्कीले १५ सय मिटरमा कास्य जितेका हुन् ।

टंकले निर्धारित दुरी ३ मिनेट ५९.२० सेकेण्डमा पुरा गरे ।

योसँगै १३ औं सागको एथ्लेटिक्समा टंक नेपाललाई पहिलो पदक दिलाउने खेलाडी बने ।

यस स्पर्धामा भारतले स्वर्ण र रजत जित्यो  ।

यस स्पर्धाको महिलामा श्रीलंकाले स्वर्ण जित्दा भारतले रजत र कास्य जित्यो ।

नेपालकी सरस्वती भट्ट पाँचौ र सानु माया कार्की सातौ भईन् ।