फेडेररलाई हराउँदै स्टेफानोस फाइनलमा

एजेन्सी । ग्रिसका युवा खेलाडी स्टेफानोस टित्सीपास एटीपी फाइनल्स टेनिसको फाइनलमा प्रवेश गरेका छन् ।

लन्डनमा शनिबार भएको सेमिफाइनलमा स्विस खेलाडी रोजर फेडेररलाई पराजित गर्दै स्टेफानोस उपाधि नजिक पुगेका हुन् ।

२१ वर्षे स्टेफानोसले पूर्व विश्व नम्बर एक तथा ६ पटकको च्याम्पियन फेडेररलाई ६-३ र ६-४ ले हराए ।

अब स्टेफानोसले उपाधिका लागि एलेक्स्जेन्डर जेभेरेभ र डोमिनिक थिमबीचको विजेतासँग खेल्ने छन् ।