एजेन्सी । शीर्ष वरियताका स्पेनिस राफायल नाडाल एटीपी फाइनल्स टेनिसको पहिलो खेलमा पराजित भएका छन् ।
लण्डनमा सोमबार राति भएको पहिलो खेलमा नाडाल एलेक्स्जेन्डर जेभेरेभसँग पराजित भए । नाडाललाई सातौं वरियताका जेभेरेभले ६-२ र ६-४ को सेटमा हराए ।
अब नाडालले दोस्रो खेलमा डानिल मेडभेदेभसँग खेल्ने छन् ।
रुसी खेलाडी मेडभेदेभ पनि पहिलो खेलमा ग्रीकका स्टेफानोससँग पराजित भए ।
यस अघि पूर्व विश्व नम्बर एक रोजर फेडेररले पनि हारबाट सुरुवात गरेको थियो । नोभाक जोकोभिकले भने जित निकाले ।
