काठमाण्डौं । थाइल्याण्डको राजधानी बैंककमा हुने एसियन फेन्सिङ च्याम्पियनसिपमा नेपालले सहभागिता जनाउने भएको छ । च्याम्पियनसिपको लागी १६ सदस्य नेपाली टोली शुक्रबार त्यसतर्फ प्रस्थान गर्ने भएका छन् ।
यहिँ जुन १७ तारीख देखि २३ सम्म आयोजना हुने च्याम्पियनसिपमा नेपालले साइबरको पुरुष तथा महिला तथा फोयल इभेण्टको पुरुष तथा महिला गरी १२ खेलाडी सहभागी हुनेछन् । नेपाली टोलीमा पुरुषतर्फ नुर बहादुर थापा, राजन राज खड्का, शेर सिंह ऐरी,सन्जिब लामा, महेश प्रसाद भाट र दिनेश बहादुर पाण्डे रहेका छन् ।
महिलातर्फ कमला श्रेष्ठ, रविन थापा, मीना देवी पौडेल, अस्मिता बस्नेत र मन्दिरा थापा रहेकी छिन् । नेपाली टोलीको मुख्य प्रशिक्षकमा अविशेक कार्की, प्रशिक्षकमा जलिन्द्र बहादुर शाही, टिम म्यानेजरमा प्रविन नापित र अफिसियलमा सुरज शाक्य रहेका छन् ।
नेपाली टोलीलाई बिहिबार राष्ट्रिय खेलकुद परिषदका सदस्य सचिव श्री केशब कुमार विष्टले विदाई गरेका थिए । विदाई कार्यक्रममा नेपाल ओलम्पिक कमिटीका अध्यक्ष जिवनराम श्रेष्ठको उपस्थिति रहेको थियो ।
