काठमाडौं । लिटिल एन्जल्स स्कुल (एलए) को आयोजनामा १२ औं अन्तरविद्यालय जुनियर खुला टेनिस प्रतियोगिता आइतबारदेखि देखि सुरु भएको छ ।
पहिलो दिन यु–१२ ब्वाइज सिंगल्समा शिशु निकेतनका श्रीजन भट्टराई, युनाइटेड एकेडेमीका देवाशिष रेउले, सेन्ट जेभियर्सका निश्चल जोशी, जबीएसका दर्शिल श्रेष्ठ, युलेन्सका बोरिस अधिकारी, जीबीएसका साश्वत वज्राचार्य तथा एलएका सन्देश शाह र राजीव शाहले जित हात पारे ।
यु–१४ गल्र्स सिंगल्समा सेन्ट जेभियर्सकी इशाश्री शाह, सेन्ट मेरिजकी सुनिरा थापा, द चाँदबागकी समृद्धि सेढाईं, काष्ठमण्डपकी अजा रेग्मी, जोन डेवीकी आईशा गुरुङ, इलम एकेडेमीकी सिरिस्ता राई, सेन्ट मेरिजकी इभा अधिकारी र एलएकी सुभाङ्गीलक्ष्मी शाह विजयी भए ।
प्रतियोगिताको शिक्षा सचिव महेश दाहालले एक कार्यक्रमबीच उद्घाटन गरे । विभिन्न १२ स्पर्धामा ३४ विद्यालयका १ सय ७२ खेलाडी सहभागी छन् ।
