काठमाडौं । नेपालमा आयोजना हुने १३ औं दक्षिण एसियाली खेलकुद (साग) का लागि बास्केटबलको महिला र पुरुष दुवैको राष्ट्रिय टिमको घोषणा भएको छ ।
नेपाल बास्केटबल संघले बिहिबार सागका लागि समान १६/१६ खेलाडी छनोट गरेको छ । नेपालले फुल कोर्टका लागि समान १२/१२ र थ्री बाई थ्रीका लागि ४/४ जना टिमको घोषणा गरेको हो ।
पुरुषतर्फको फुल कोर्टका लागि सदिश प्रधान, विनोद महर्जन,विक्रम जोशी, विकास गुरुङ, आयुष सिंह, मनिष राज राजोपाध्याय, सौरभ श्रेष्ठ, विजय बुर्जा, दिवेश्वर शाह, मविन्द्र भण्डारी, विनोद श्रेष्ठ र अशिम श्रेष्ठ रहेका छन् ।
थ्री बाई थ्री तर्फ मनिष केसी, निकेश मगर, आशिष बस्नेत र अजय कुशवाहा रहेका छन् ।
महिलाको फुल कोर्टमा सदिना श्रेष्ठ, अनुषा मल्ल, प्रिती तुलाचन, अलिशा मल्ल, प्रेदिका महर्जन, एलिना गुरुङ, श्रेया खड्का, मुना महर्जन, माया स्याङतान, परिक्षा मगर, रचना श्रेष्ठ र आशा राई रहेकी छिन् ।
महिलाको थ्री बाई थ्री तर्फ सोनी वाइबा, मिना गुरुङ, गरिशा सिलवाल र रविना अधिकारी रहेकी छिन् ।
