एजेन्सी । डच एथलेटिक्स खेलाडी मेडिया घाफोरलाई साढे आठ वर्षको जेल सजाय सुनाइएको छ ।
लागूऔषधको तस्करी र बेचबिखनको अभियोगमा घाफोरलाई जेल सजाय तोकिएको हो ।
डच ओलम्पियन समेत रहेकी घाफोर गत जुनमा लागूऔषधसहित जर्मनीमा पक्राउ परेकी थिइन् । एल्टन सिमानाको चेकजाँचको क्रममा उनको कारमा २ मिलियनको लागूऔषध भेटिएको थियो ।
२७ वर्षे घाफोर रियो ओलम्पिकमा ४ गुणा ४ सय मिटर दौडमा प्रतिस्पर्धा गरेकी थिइन् ।
विश्व एथलेटिक्सको ४ सय मिटर दौडको वरियतामा घाफोर ३१ औं स्थानमा छिन् ।
