एजेन्सी । जापानिज खेलाडी नाओमी ओसाकाले डब्लुटीए फाइनल्स टेनिसबाट आफ्नो नाम फिर्ता लिएका छन् ।
चोटका कारण ओसाकाले चीनको शेनजेनमा जारी प्रतियोगिताबाट नाम फिर्ता लिएका हुन् । ओसाकालाई कुमको चोट लागेको बताईएको छ ।
२२ वर्षे ओसाकाले पहिलो खेलमा पेट्रा किभटोभालाई हराएकी थिइन् ।
अष्ट्रेलियन ओपन च्याम्पियन ओसाकाको स्थानमा किकी बेर्टेन्सले खेल्ने छिन् ।
डब्लुटीए फाइनल्समा विश्व वरियताका शीर्ष ८ खेलाडीले राउण्ड रोबिनको आधारमा खेल्न छन् । समूहको विजेता र उपविजेताले सेमिफाइनलमा पुग्ने छन् ।
