दिपेश र बंगलादेशका सलमान सेमिफाइनलमा

काठमाडौं । नेपालका दोस्रो बरियताका दिपेश धामीसहित बंगलादेशका मोहम्मद सलमान खान राजधानीमा जारी अन्नपूर्ण पोष्ट अन्तर्राष्ट्रिय कर्पाेरेट ब्याडमिन्टन प्रतियोगिता अन्तर्गत पुरुष एकलतर्फको सेमिफाइनलमा पुगेका छन् ।

बिहिबार भएको क्वार्टरफाइनलमा आ आफ्नो खेलमा जित हात पार्दै दिपेश र सलमानले प्रतियोगिताको अन्तिम चारमा पुगेका हुन् । बिभागीय टोली एपिएफका दिपेशले अर्काे बिभागीय टोली नेपाल पुलिस क्लबका जिवन आचार्यमाथी २१–१०, २१–९ को सेटमा पराजित गरे ।

यस्तै बंगलादेशका सलमानले भारतका शुभ देयलाई २१–९, २१–९ को सहज सेटमा पराजित गरे । दीपेस र सलमानसँगै त्रीभुवन आर्मी क्लबका रुकेश महर्जन र स्लिक किचेनका प्रिन्स दाहाल पनि सेमिफाइनलमा पुगेका छन् । रुकेसले त्रिभुवन आर्मी क्लबका प्रफुल महर्जनलाई २१–१६, २१–१६ ले पराजित गर्दा प्रिन्सले नेपाल पुलिस क्लबका बिष्णु कटुवाललाई २१–१८, २१–१४ ले पराजित गर्दै प्रतियोगिताको अन्तिम चारमा स्थान सुरक्षित गरेका हुन् । यससँगै प्रतियोगिताको सेमिफाइनल चरणको समिकरण पुरा भएको छ ।

प्रतियोगिता अन्तर्गत महिला एकलतर्फ त्रिभुवन आर्मी क्लबकी नङ्सल तामाङ र पाकिस्तानकी सहजेद महुर पनि प्रतियोगिताको सेमिफाइनलमा पुगेका छन् । नङ्सलले बाँकेका सम्झना शर्मालाई २१–१०, २१–९ को सेटमा पराजित गरिन । यस्तै पाकिस्तानकी सहजेदले त्रिभुवन आर्मी क्लबका अनु राईलाई २१–११, २१–११ को सेटले पराजित गर्दै अन्तिम चारको यात्रा तय गरेकी हुन् ।

उनिहरुसँगै त्रिभुवन आर्मी क्लबका अन्य दुई खेलाडी रसिला महर्जन र अमिता गिरी पनि प्रतियोगिताको अन्तिम चारमा पुगेका छन् । क्वार्टरफाइनल चरणको खेलमा रसिलाले एपिएफकी शोभा गौचनलाई २१–१२, २१–८ तथा अमिताले भोजपूरकी सीता राईलाई २१–१७, २१–१६ ले पराजित गरेका हुन् । प्रतियोगिताअन्तर्गत शुक्रबार सेमिफाइनल चरणका खेल हुने छन् ।

पुरुष एक्जिक्यूटिभ एकलतर्फ सेमिफाइनलमा प्रवेश गरेका छन् । क्वार्टरफाइनल चरणको खेलमा कुरमारी बैंकका बिक्रम निरौलामाथी २१–१३, २१–१२ को जितसहित बिशाल प्रतियोगिताको अन्तिम चारमा पुगेका हुन् । उनीसँगै राइजिङ सनका बिश्वास नेपाल, जेष्ट ब्याडमिन्टनका सुनील जोशी र स्लिक किचेनका गणेश रायमाझी पनि प्रतियोगिताको अन्तिम चारमा पुगेका छन् । बिश्वासले आरएस कन्स्ट्रक्सनका रजिन खड्कालाई २१–१८, १६–२१, २१–१४ को कठिन सेटमा पराजित गरे । यस्तै सुनिलले इशा एन्ड इशिकाका अभिशेक गुरुङलाई २१–८, २१–११ तथा गणेशले नेपाल एसबीआई बैंकका नवराज जोशीलाई २१–१२, १२–२१, २१–१२ को सेटमा पराजित गरे ।

यू–१९ पुरुष एकलतर्फ त्रिभुवन आर्मी क्लबका खेलाडीद्धय रुकेश महर्जन र प्रफूल महर्जन सेमिफाइनलमा पुगेका छन् । पुरुष एकलतर्फको खेलमा भने प्रफूललाई पराजित गर्दै रुकेस प्रतियोगिताको अन्तिम चारमा पुगेका छन् । यू–१९ तर्फको खेलमा रुकेशले सेमिफाइनल पुग्न प्रदेश नम्बर चारका बिधान अधिकारीलाई २१–११, २१–२० को सेटमा पराजित गरे ।

यस्तै प्रफूल पनि प्रदेश नम्बर एकका प्रनिस सिंह ठकुरीलाई २१–९, २१–७ को सहज सेटमा पराजित गर्दै प्रतियोगिताको अन्तिम चारमा पुगेका हुन् । उनिहरुसँगै त्रीभुवन आर्मी क्लबका पबिन लिङ्थेप र सिल्कका प्रिन्स दाहाल पनि प्रतियोगिताको अन्तिम चारमा पुगेका छन् ।

पबिन बिपक्षी खेलाडी उपस्थित नहुँदा सिधै प्रतियोगिताको अन्तिम चारमा पुगेका हुन् भने प्रिन्सले प्रदेश नम्बर ६ का निरञ्जन चौधरीलाई २१–८, २१–१२ ले पराजित गरे ।

यू–१९ को महिला एकलतर्फ त्रिभुवन आर्मी क्लबका रसिला महर्जन प्रतियोगिताको सेमिफाइनलमा पुगेकी छिन् । रसिलाले नेपाल पुलिस क्लबकी रोस पान्डेलाई २१–१०, २१–७ ले पराजित गर्दै अन्तिम चारमा पुगेका हुन् ।

नेपाल पुलिस क्लबकी जेसिका गुरुङ, प्रदेश नम्बर एककी निता लम्साल र कञ्चनपूरकी रञ्जना भट्ट पनि यू–१९ को महिला एकलतर्फ अन्तिम चारमा पुगेका छन् । त्यसका लागि जेसिकाले प्रदेश नम्बर चारकी आकृती केसीलाई २१–६, २१–११, निताले जेष्ठकी श्रधेय प्रधान २१–१३, २१–१२ तथा रञ्जनाले प्रदेश नम्बर दुईकी चित्र हरीत्वाललाई २१–६, २१–६ ले पराजित गरे ।

एपिएफका दिपेश  धामी र बिजित थापा मगरको जोडी प्रतियोगिताको पुरुष युगलतर्फ सहजै सेमिफाइनलमा प्रवेश गरेका छन् । दिपेश र मगरको जोडीसँग प्रतिस्पर्धा गर्ने प्रदेश नम्बर चारका बिशाल खड्का र भुगोल गुरुङको जोडी उपस्थित नभएपछि अघिल्लो जोडीलाई बिजयी घोषणा गरीएको हो । उनिहरुसँगै भारतका जुम्ल्याहा दाजुभाई जोडी रञ्जन र अञ्जन बुरागोहइ, बाँकेका रियाज अन्सारी र इर्फान अन्सारी तथा प्रदेश नम्बर चारका बिशाल बस्नेत र बिधान अधिकारीको जोडी पनि प्रतियोगिताको अन्तिम चारमा पुगेका छन् ।

भारतका जुम्ल्याहा दाजुभाईको जोडीले बंगलादेशका मोहम्मद सलमान खान र प्रबोल हुसेन तालुक्दारलाई २१–१४, २१–११ ले पराजित गर्दा रियाज र इर्फानको जोडीले सिल्कका गणेश रायमाझी र बिश्वास नेपालको जोडीलाई २१–२३, २१–१७, २१–१८ को कठिन सेटमा पराजित ग¥यो । यस्तै बिशाल र बिधानको जोडीले त्रिभुवन आर्मी क्लबका सुरोज महर्जन र राम राईको जोडीलाई २१–८, २१–१५ को सेटमा पराजित ग¥यो ।

प्रतियोगिताको कर्पाेरेट पुरुष एकलतर्फ नारायणी मिल्कका अभिशेक बोस, एपेस इन्टरनेशनलका अखिल श्रेष्ठ, बि एन्ड बीका बालमुकुन्द ढुंगाना र महालक्ष्मीका विकास महर्जन सेमिफाइनलमा पुगेका छन् ।

अभिशेकले नेपाल टेलिकमका सुरेन्द्र कार्कीलाई २१–१५, २१–१२ ले पराजित गर्दा अखिलले सिल्कका रमेश शेर्पालाई २१–१५, २१–१५ को सेटमा पराजित गर्दै प्रतियोगिताको अन्तिम चारमा स्थान सुरक्षित गरे । यस्तै अन्तिम चारको समिकरण पुरा गर्न बालमुकुन्दले नेपाल राष्ट्र बैंकका धनबहादुर तामाङलाई २१–१५, २१–९ तथा विकासले एनडीपीका मनोज मानन्धर २१–६, २१–९ को सेटमा पराजित गरे ।

प्रतियोगिता अन्तर्गत पुरुष एक्जिक्यूटिभ युगलतर्फ प्रदेश नम्बर चारका बिशाल बस्नेत र कामना सेवाका बिशाल खड्काको जोडी सेमिफाइनलमा प्रवेश गरेका छन् ।

बिहिबार भएको खेलमा बिशालद्धयको जोडीले हिमालका सुरज तन्डुकार र बिजेन्द्रलाल श्रेष्ठको जोडीलाई २१–१८, २१–१२ को सेटमा पराजित गर्दै प्रतियोगिताको अन्तिम चारमा स्थान सुरक्षित गरेका हुन् । यस्तै जेष्टका सुनिल जोशी र ओडीसीका रमन बाँनियाको जोडी, आशिर्वादका राम राई र भिमल श्रेष्ठ तथा इशा एन्ड इशिकाका आकाश छन्त्याल र अभिशेक गुरुङको जोडी पनि प्रतियोगिताको अन्तिम चारमा पुगेका हुन् ।

सुनिल र रमनको जोडी राइजिङ सनका बिश्वास नेपाल र पञ्कज ज्ञावालीको जोडीलाई २१–१३, १८–२१, २१–१६, राम र भिमलको जोडी केपिएसका रामकुमार बाँनिया र सुजन थापाको जोडीलाई २१–१७, २१–१९ तथा आकाश र अभिशेकको जोडीले आरएस कन्स्ट्रक्सनका रजिन खड्का र बिवेक जिसीको जोडीलाई २१–१०, १२–२१, २१–१४ को सेटमा पराजित गर्यो ।

मिक्स युगलतर्फ शीर्ष वरियता रहेका खेलाडीको जोडी सफल देखिएका छन् । एपिएफका दीपेश धामी र पुजा श्रेष्ठ, त्रीभुवन आर्मी क्लबका अमिता गिरी र सुरज महर्जन, त्रिभुवन आर्मी क्लबकै नङ्सल तामाङ र प्रफूल महर्जन तथा एमआईबिसीका सीता राई र नीर बिक्रम देवकोटाको जोडी आआफ्नो खेलमा जित हात पार्दै प्रतियोगिताको सेमिफाइनलमा पुगेका छन् ।

दीपेस र पुजाको जोडीले आर्मी क्लबकै अनु राई र रुकेश महर्जनको जोडीलाई २१–१७, २१–१५ तथा अमिता र सुरजको जोडीले नेपाल पुलिस क्लबका सुनयना मुखिया र बिष्णु कटुवालको जोडीलाई १८–२१, २१–१३, २१–१५ को सेटमा पराजित गरे ।

यस्तै नङ्सल र प्रफूलको जोडीले कामना सेवाका यामकुमारी गुरुङ र बिशाल खड्काको जोडीलाई २१–१६, २१–९ तथा सीता र नीर बिक्रमको जोडीले एपिएफका सोभा गौचन र बिजित थापा मगरको जोडीलाई २२–२०, १४–२१, २१–१७ को सेटमा पराजित ग¥यो ।

कर्पाेरेटतर्फ पुरुष युगलमा महालक्ष्मी पेन्ट्सका भुवन श्रेष्ठ र रदीप महर्जन सेमिफाइनलमा पुगेका छन् ।

बिहिबार भएको क्वार्टरफाइनल खेलमा नेपाल टेलिभिजनका सुदीप बुढाथोकी र बुटवल पावरका खगेन्द्र रेग्मीलाई २१–१३, २१–१२ ले पराजित गर्दै प्रतियोगिताको अन्तिम चारमा स्थान सुरक्षित गरेका हुन् । बिहिबारकै अर्काे खेलमा बुस्टर फिडका गोपाल टन्डन र श्री भैरवका प्रकाश थापाको जोडीलाई २१–१५, २७–२५ ले पराजित गर्दै महालक्ष्मी पेन्ट्सको अर्काे जोडी प्रदीप महर्जन र बिकास महर्जन पनि प्रतियोगिताको सेमिफाइनलमा पुगेका छन् ।

उनिहरुसँगै आईपीपीका आदर्श बिष्ट र सुबास उलक तथा जलेवाका रुद्रबहादुर थिङ र एपस इन्टरनेशनलका अखिल श्रेष्ठको जोडी पनि प्रतियोगिताको अन्तिम चारमा पुगेका छन् । आदर्श र सुबासको जोडीले लामा कन्स्ट्रक्सनका लाक्पा तेञ्जिङ तामाङ र पञ्चक तामाङको जोडीलाई २१–१९, २१–१२ तथा रुद्र र अखिलको जोडीले एनईईका दीप आचार्य र पञ्कज ज्ञावालीको जोडीलाई २१–१६, १९–२१, २१–१८ को सेटमा पराजित गरेका हुन् ।