नाडाल युएस ओपनको क्वाटरफाइनलमा

एजेन्सी । स्पेनिस टेनिस स्टार राफायल नाडाल युएस ओपन टेनिसको क्वाटरफाइनलमा प्रवेश गरेका छन् ।

मंगलबार बिहान भएको चौंथो चरणको खेलमा क्रोएसियाका मारिन सिलीचलाई पराजित गर्दै नाडालले अन्तिम आठको यात्रा तय गरेका हुन् ।

दोस्रो वरियताका नाडालले मारिनलाई ३-१ को सोझो सेटमा पराजित गरे । नाडालले मारिनमाथि ६-३, ३-६, ६-१ र ६-२ को जित निकाले ।

अब १८ पटकको ग्राण्डस्लाम विजेता नाडालले क्वाटरफाइनलमा अर्जेन्टिनाका डिएगो स्वार्टम्यानसँग खेल्ने छन् ।

पुरुषतर्फ नै फ्रान्सका गाइल मोनफिल्सले क्वाटरफाइनलमा स्थान बनाएका छन् ।

महिलातर्फ शीर्ष वरियताकी जापानी नाओमी ओसाका क्वाटरफाइनलबाट बाहिरिएकी छिन् ।