एजेन्सी । स्विस टेनिस स्टार रोजर फेडेरर युएस ओपन टेनिसको क्वाटरफाइनलमा प्रवेश गरेका छन् ।
सोमबार बिहान भएको चौंथो चरणको खेलमा बेल्जियममा डेभिड गोफिनलाई पराजित गर्दै फेडेररले अन्तिम आठमा पुगेका हुन् ।
तेस्रो वरियताका फेडेररले १८ औं वरियताका गोफिनलाई ६-२, ६-२ र ६-० को सेटमा पराजित गरे ।
पाँच पटकको च्याम्पियन फेडेररले अब सेमिफाइनल प्रवेशका लागि ग्रिगोर दिमित्रोभसँग खेल्ने छन् ।
महिलातर्फ अमेरिकी खेलाडी सेरेना विलियम्सले क्वाटरफाइनलमा स्थान बनाएकी छिन् ।
६ पटकको च्याम्पियन सेरेनाले पेट्रा मार्टिकलाई ६-३ र ६-४ को सेटमा पराजित गरिन् । अब सेरेनाले चीनकी वाङ क्वाङसँग खेल्ने छिन् ।
चीनकी वाङले दोस्रो वरियताकी एस्लेइघ बार्टीलाई पराजित गरेकी थिइन् ।
