एजेन्सी । स्पेनिस टेनिस स्टार राफायल नाडाल युएस ओपन टेनिसको चौंथो चरणमा प्रवेश गरेका छन् ।
आइतबार बिहान भएको खेलमा दक्षिण कोरियाका चुङ ह्येओनलाई पराजित गर्दै नाडालले अन्तिम १६ को यात्रा तय गरेका हुन् ।
दोस्रो वरियताका नाडालले चुङलाई ३-० को सोझो सेटमा पराजित गरे । नाडालले चुङमाथि ६-३, ६-४ र ६-२ को जित निकाले ।
पुरुषतर्फ डानिल मेड भेदेब, ग्रिगोर दिमित्रोभ र स्टान वावरिन्काले पनि चौंथो चरणमा स्थान बनाए ।
महिलातर्फ शीर्ष वरियताकी जापानी नाओमी ओसाकाले अमेरिकी खेलाडी कोरी गौफलाई ६-३ र ६-० को सेटमा हराएर चौंथो चरणको यात्रा तय गरेकी छिन् ।
महिलातर्फ नै चौंथो वरियता प्राप्त रोमानियाकी सिमोना हालेपले पनि संघर्षपूर्ण जित निकाल्दै दोस्रो चरणको यात्रा तय गरेकी छिन् ।
