जोकोभिक युएस ओपनको अन्तिम १६ मा

एजेन्सी । विश्व नम्बर एक नोभाक जोकोभिक युएस ओपन टेनिसको चौंथो चरणमा प्रवेश गरेका छन् ।

शनिबार बिहान भएको खेलमा अमेरिकाका डेनिस कुड्लालाई पराजित गर्दै जोकोभिकले अन्तिम १६ को यात्रा तय गरेका हुन् ।

३ पटकको च्याम्पियन सर्बियन खेलाडी जोकोभिकले डेनिसलाई ६-३, ६-४ र ६-२ को सेटमा पराजित गरे ।

पुरुषतर्फ नै तेस्रो वरियताका स्विस स्टार रोजर फेडेररले अन्तिम १६ को यात्रा तय गरिसकेका छन् ।

जापानका केइ निशिकोरी भने तेस्रो चरणबाट बाहिरिएका छन् ।