एजेन्सी । पूर्व विश्व नम्बर एक सेरेना विलियम्स र मारिया सारापोभा यूएस ओपन टेनिसको पहिलो चरणको खेलमै भिड्ने भएका छन् ।
यूएस ओपनले सार्वजनिक गरेको ड्र अनुसार अमेरिकी सेरेना र रुसी सारापोभाले पहिलो चरणमै प्रतिस्पर्धा गर्ने भएका हुन् । सेरेना र सारापोभाबीचको खेल आगामी सोमबार हुनेछ ।
यस्तै महिलातर्फ नै जोहन्ना कोन्टाले पहिलो चरणमा डारिया कासत्किनासँग खेल्ने छिन् । जापानिज नोआमी ओसाकाले अन्ना ब्लिकोभासँग खेल्ने छिन् ।
पुरुषतर्फ विश्व नम्बर एक नोभाक जोकोभिकले स्पेनका रोबर्टो कार्बलेससँग खेल्दै प्रतियोगिताको सुरुवात गर्नेछन् ।
त्यस्तै राफायल नाडालले अष्ट्रेलियाका जोन मिलम्यानसँग खेल्नेछन् । रोजर फेडेररले भने छनोटबाट आएका खेलाडी प्रतिद्वन्दी पाउने छन् ।
