एजेन्सी । विश्व नम्बर एक सर्बियन स्टार नोभाक जोकोभिक सिनसिनाटी मास्टर्सको सेमिफाइनलमा पराजित भएका छन् ।
आइतबार बिहान भएको सेमिफाइनलमा रुसका डानिल मेडभेदेबसँग पराजित हुँदै जोकोभिक सेमिफाइनलबाट बाहिरिएका हुन् ।
साविकको विजेता समेत रहेको जोकोभिकलाई मेडभेदेबले ३-६, ६-३ र ६-३ को सेटमा हराए । जोकोभिकविरुद्ध जित निकाल्न मेडभेदेबले १ घण्टा ४३ मिनेटको समय लगाएका थिए ।
अब नवौं वरियताका मेडभेदेबले फाइनलमा डेभिड गोफिनसँग खेल्नेछन् । गोफिनले रिचार्ड गास्क्वेटलाई पराजित गरेका थिए ।
महिलातर्फको फाइनलमा स्भेट्लिना कुट्नेट्सोभा र मेडिसन केइसबीच प्रतिस्पर्धा हुनेछ ।
