एजेन्सी । विश्व नम्बर एक सर्बियन नोभाक जोकोभिक सिनसिनाटी मास्टर्सको सेमिफाइनलमा प्रवेश गरेका छन् ।
शनिबार बिहान भएको क्वाटरफाइनलमा फ्रेन्च खेलाडी लुकास पोउलीलाई पराजित गर्दै जोकोभिक सेमिफाइनलमा पुगेका हुन् ।
साविकको विजेता समेत रहेको जोकोभिकले लुकासलाई ७-६ (७-२) र ६-१ ले पराजित गरे । लुकासविरुद्ध जित निकाल्न जोकोभिकले १ घण्टा २६ मिनेटको समय निकाले ।
अब जोकोभिकले नवौं वरियताका डानिल मेडभेदेबसँग खेल्नेछन् । मेडभेदेबले आन्द्रे रुब्लेभलाई पराजित गरे ।
