एजेन्सी । पुर्व विश्व नम्बर एक एन्डी मुर्रेले युएस ओपन टेनिसको एकल स्पर्धा नखेल्ने भएका छन् । चोट मुक्त हुदै मैदान फर्किएका मुर्रेले महिनाकाे अन्तिममा हुने युएस ओपन टेनिसको एकल स्पर्धामा आफु नखेल्ने जनाएका हुन् ।
जनवरीमा गरिएको हिपको शल्यक्रिया मैदान फर्किएका मुर्रेले पहिलो चरणमा फ्रान्सका रिचर्ड ग्यासकेटसंग खेलेका थिए । सो खेल उनले ६–४ ६–४ ले हार्न पुगे ।
उनलाई युएस ओपनका लागि वाईल्ड कार्ड स्विकार गर्नका लागि समेत भनिएको थियो । तर ब्रिटिस खेलाडी मुर्रेले डबल र मिक्स डबल्समात्र खेल्न सक्ने बताएका छन् ।
युएस ओपन अगष्ट २६ बाट सुरु हुदैछ ।
तीन पटकको ग्रान्डस्लाम विजेता जनवरीमा अष्ट्रेलिय ओपनमा आँशु बगाएका थिए । चोटका कारण करियर सकिने उनमा डर थियो । हिपको चोटका कारण शल्यक्रियापछि एकल स्पर्धा खेल्ने सम्भावना सकिन सक्ने उनले बताएका थिए । तर उनी चोटको पिडाबाट मुक्त हुदै पुन करियरलाई अघि बढाउन सक्षम रहे ।
मुर्रेले आफ्नो पहिलो प्रतियोगिता पाँच सेटको भन्दा बढीको नहोस भन्ने चाहेका छन् ।
सन् २०१२ का युएस ओपन च्याम्पियन अहिले विश्वको ३ सय २४ औ वरियतामा छन् । उनी ग्रान्डस्लाम प्रवेशका लागि चोट अनुमानित वरियतालाई प्रयोग गर्न सक्थे ।
तर उनले आफ्नो फिटनेसलाई ध्यानमा राख्दै केही समय पर्खने निर्णय गरेका हुन् । उनलाई युएसको टेसिन संघले वाईल्ड कार्डको समेत प्रस्ताव गरेको थियो ।
