हालेप विम्बल्डनको अन्तिम चारमा

एजेन्सी । पूर्व विश्व नम्बर एक सिमोना हालेप विम्बल्डन टेनिसको सेमिफाइनलमा प्रवेश गरेकी छिन् ।

मंगलबार राति भएको क्वाटरफाइनलमा चीनकी खेलाडी झाङ शुवाईलाई पराजित गर्दै हालेपको अन्तिम चारको यात्रा तय गरेकी हुन् ।

सातौं वरियताकी हालेपले झाङलाई ७-६(७-४) र ६-१ को सेटमा पराजित गरिन् । योसँगै रोमानियाकी हालेप सन् २०१४ पछि पहिलो पटक विम्बल्डनको सेमिफाइनलमा पुगेकी हुन् ।

हालेपले अब फाइनल प्रवेशका लागि युक्रेनकी आठौं वरियताकी एलिना स्वीटोलिनासँग खेल्ने छिन् ।