एजेन्सी । सेरेना विलियम्बस विम्बल्डन टेनिसको सेमिफाइनलमा प्रवेश गरेकी छिन् । मंगलबार सुस्त सुरुवात गरेकी उनले अमेरिकी एलिसन रिस्केलाई पराजित गरेकी हुन् ।
२३ पटककी ग्राण्डस्लाम विजेता सेरेनाले रिस्केलाई ६¬ ४, ४ ६, र ६¬३ को सेटमा पराजित गरिन् ।
उनले अब ब्रिटिस खेलाडी जोहान कोन्टा र चेक खेलाडी बारबोरा स्ट्राइकोवाबीचको विजेतासंग फाईनल प्रवेशका लागि प्रतिस्पर्धा गर्नेछिन् ।
सेरेना करियरको आठौं विम्बल्डन टेनिसको उपाधिको लक्ष्यमा छिन् । उनले सन् २०१७ यता ग्राण्डस्लाम जित्न सकेकी छैनिन् ।
'यो जित सन्तुष्ट पुर्ण थियो ।' ३७ बर्षकी खेलाडीले भनिन् ।
'मैले केही सातायता खेल जित्न सकिरहेको थिईन् ।' उनले थपिन् ।
'जित हासिल गर्दा निकै खुसी छु । उनी ईमान्दारीताका साथ राम्रो खेलिरहेकी थिईन् । उनले निकै राम्रा खेलाडीलाई पराजित गरिसकेकी थिईन् ।' उनले भनिन् ।
