फेडेरर र नाडाल चौथो चरणमा

एजेन्सी । स्विस खेलाडी रोजर फेडेरर र स्पेनिस राफायल नाडाल विम्बल्डन टेनिसको चौंथो चरणमा प्रवेश गरेका छन् ।

शनिबार भएको तेस्रो चरणको खेलमा फेडेररले लुकास पोउइल्लेलाई ७-५,६-२ र ७-६ (७-४) को सेटमा पराजित गरे ।

अब आठ पटकको च्याम्पियन फेडेररले इटालीका माटियो बेर्रेट्टिनीसँग खेल्नेछन् ।

यस्तै नाडालले फ्रान्सका जो विल्फ्रिड सोङ्गालाई ६-२,६-३ र ६-२ को सेटमा पराजित गरे ।

दोस्रो वरियताका नाडालले अब डान इभान्स र जोया सौसाबीचको विजेतासंग खेल्नेछ ।

महिलातर्फ बेलायतकी जोहान्ना कोन्टाले चौथो चरणमा स्थान बनाएकी छिन् ।

कोन्टाले अमेरिकी खेलाडी स्लोअनि स्टेफेन्सलाई ३-६,६-४ र ६-१ को सेटमा पराजित गरिन् । कोन्टाले अब पेट्रा कोभितोभाको सामना गर्ने छिन् ।

यस्तै महिलातर्फ शीर्ष वरियताकी एस्ले बार्टी र सेरेना विलियम्सले पनि चौथो चरणमा स्थान बनाएकी छिन् ।