धनगढी । कैलाली जिल्ला क्रिकेट संघको अध्यक्षमा विक्रम विष्ट निर्वाचित भएका छन् । शनिबार बसेको संघको विशेष साधारण सभाले विष्टलाई अध्यक्षमा निर्विरोध चयन गरेको हो ।
संघले अध्यक्ष बिष्टसँगै १५ सदस्यीय जिल्ला कार्य समिति पनि निर्विरोध चयन गरेको छ । संघको उपाध्यक्षमा बाबुराजा श्रेष्ठ सचिवमा देवनारायण झा र कोषाध्यक्षमा सम्भु लामिछाने चयन भएका छन् ।
त्यसैगरी संघको सदस्यहरुमा भरत जोशी, अनिल कुमार भुजानिया, रुपक विष्ट, गोविन्दराज जोशी, निरज थापा, लोकवहादुर खड्का, हरि रेग्मी, गणेश रजक, ज्ञानेन्द्र क्षेत्री, हेमराज जोशी र महेश बोहोरा निर्विरोध चयन भएका छन् ।
