एभीएम स्कुल टिम च्याम्पियन

काठमाडौं । आयोजक आदर्श विद्या मन्दिर (एभीएम) स्कुल सत्यनारायण स्मृति राष्ट्रिय अन्तरविद्यालय टेबलटेनिस प्रतियोगितामा टिम च्याम्पियन बनेको छ ।

आइतबार सम्पन्न प्रतियोगिताको कुल १५ स्वर्ण पदक मध्ये एभीएमले ११ स्वर्ण जित्दै टिम च्याम्पियन बनेको हो । यस्तै एभीएमले ६ रजत र ६ कांस्य हात पार्यो ।

प्रतियोगिताको यू–१४ गल्सतर्फ इभना थापामगरले स्वर्ण जितिन् । दिया देउलाले रजत जितिन् । यस्तै इना डंगोल र आरती सुवालले कास्य जिते ।

यू–१६ गल्सतर्फ समिरा श्रेष्ठले स्वर्ण जित्दा प्रनिका कुँवरले रजत जितिन् । कृतिका तामाङ र अस्तिका थापाले कांस्य जितेका छन् ।

मिक्स डबल्समा विशाल गोले र बिएन्का राईको जोडीले स्वर्ण जिते । रुबिन महर्जन र इभाना थापामगरको जोडीले रजत जित्दा रोमन थापामगर र दिया देउला तथा सुजन गडाल र समिरा श्रेष्ठको जोडीले कांस्यमा चित्त बुझाए ।

पुरुष डबल्समा विशाल गोले र रुबिन मर्हजनको जोडीले स्वर्ण जिते । सुजन गडाल र समिर खत्रीको जोडीले रजत हासिल गरे । विश्व बानियाँ र प्रतिक जंग बस्नेत तथा नवराज राई र सरुन श्रेष्ठको जोडीले कांस्य हात पारे ।

गल्स यू–१८ तर्फ अन्जु सुवालले स्वर्ण जित्दा मन्जु सुवालले रजत हात पारिन् । यस्तै मन्जु सुवाल र हिमाली शाक्यले कांस्य जिते । पुरुषतर्फ सन्जोक कपालीले स्वर्ण जित्दा अचुत पौडेलले रजत जिते ।