अगुस्टोको गोल, ब्राजिलले एक गोल फर्कायो

एजेन्सी । फिफा विश्वकप फुटबल अन्तर्गत क्वाटरफाइनलको दोस्रो खेलमा अहिले ब्राजिल र बेल्जियमबीचको खेल भइरहेको छ  ।

कजान एरिनामा जारी खेलमा ब्राजिलले बेल्जियमविरुद्ध १ गोल फर्काएको छ  । पहिलो हाफमा बेल्जियमसंग २ - ० ले पछि परेको ब्राजिलको लागि  सब्सीच्युड खेलाडी रेनेटो अगुस्टोले एक गोल फर्काएका हुन्  ।  

यसअघि खेलको ३२ औं मिनेटमा केभिन डी ब्रुयनाले उत्कृष्ट गोल गर्दै बेल्जियमलाई २ - ० को अग्रता दिलाएका थिए  । यसअघि बेल्जियमले आत्मघाती गोलबाट सुरुवाती अग्रता बनाएको हो । खेलको १३ औं मिनेटमा फर्नानडिन्होले आत्मघाती गोल गरेका हुन् ।  कर्नर बल क्लियर गर्ने क्रममा उनले आफ्नै पोस्टमा गोल गरेका थिए । 

आज दुवै टोलीको लक्ष्य जित हात पार्दै अन्तिम ४ मा प्रवेश गर्ने रहेको छ । खेलको विजेताले फाईनल प्रवेशकालागि फ्रान्ससंग प्रतिस्पर्धा गर्नेछ ।

स्वर्णीम पुस्ताले भरिएको बेल्जियम दोस्रो पटक विश्वकप फुटबलको सेमिफाईनल पुग्ने लक्ष्यमा छ ।

यसैबीच, डिफेन्डर मार्सेलोले ब्राजिली टिममा पुनरागमन गरेका छन् । बेल्जियमविरुद्ध भिड्दै गर्दा मार्सेलोले ब्राजिली टिममा पुनरागमन गरेका छन् ।